Општина Радовиш ги прогласи најуспешните и најдобрите во спортот за минатата година. На традиционалната манифестација ,,Избор на спортист’’ беа доделени наградите и плакетите за најдобрите спротисти, екипи и тренери откако по објавениот оглас комисијата за образование, спорт и култура при Советот на општина Радовиш изврши избор согласно донесениот правилник.
Спортист на општина Радовиш за минатата година е Александар Стојанов од Боречкиот клуб „Бучим – Радовиш“ додека Мирко Василев од Муаи Таи клуб „КОМБАТ“ за најдобар млад спортист. За најдобри спортски екипи на Радовиш за минатата година прогласени се Алпинистички клуб „Плоча“, СРРК „Крап“ и Пинг-понг клуб „Радовиш“
За најдобар спортски тренер на општина Радовиш за минатата година е прогласен трнерот на борачите од ,,Бучим-Радовиш’’ Горан Атанасов додека Владо Лазаров од истиот клуб за најдобар спортски работник
За спортска надеж на Радовиш се прогласени Марко Илиев и Магдалена Трајчева од Џудо клубот „Сенсеи“ но и Мехмет Усеинов од Боречки клуб „Бучим’’. Плакети беа доделени на училишната спортска екипа „Никола Карев“ на Филип Трајанов, Ивица Илиев од Ракометниот клуб „Радовиш“ како најдобар стрелец во ракометната лига, на Гоце Димовски од Пинг-понг клубот „Радовиш“, како и на кадетите Арон Николов и Зорица Јованова од Боречкиот клуб „Бучим’’.
Градоначалникот на Радовиш Герасим Конзулов на сите спортисти, тренери и екипи им посака многу успех и во ова година и да го промовираат Радовиш како спортски град како во земјава така и надвор од државата а тие како општина секогаш ќе ги помагаат во рамките на своите можности.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
