По распишаниот јавен повик за доделување ваучери за најубаво уредени дворни места на колективни стамбени објекти, посебна комисија при општина Струмица го направи изборот а градоначалникот Костадин Костадинов ги додели ваучерите на станарите во висина од 200 и 100 илјади денари.
Станува збор за дворното место на стамбената зграда на улицата ,,Маким Горки” бр 49 која доби ваучер од 200 000 денари додека дворното место на зградата ,,Крсто Узунов’’ бр 3-22 ја доби втората награда и ваучер од 100 илјади денари. Инаку повикот на општината траеше од 21 февруари до 31 мај и имаше за цел да се стимулира уредувањето и одржувањето на дворните места пред колективните стамбени објекти во Струмица.
,, Дворовите се украс на станбените единици, било да се индивидуални или колективни. Ја разубавуваат средината и ја зголемуваат еколошката свест,, објави градоначалникот на Струмица Костадин Костадинов кој упати апел до станарите во Струмица да почнат да ги уредуваат дворните места со цел градот биде уште поубав
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
