Дел од фудбалските клубови од Втората лига Исток во земјава, до ФФМ доставија барање второлигашкото натпреварување во источното друштво, предвреме да заврши првенството и да се прифати сегашниот пласман на табелата. Ова значи ФК Беласица како првопласиран идната сезона да настапува во Првата лига и да нема испаѓање на екипи од ова конференција. Предлогот го доставуваат заради неизвесноста со коронавирусот кој ги прекина сите спортски активности во земјава и се повеќе федерациии се решаваат на предвремен крај на првенствата.
Зад овој предлог – предвремено завршување на Втората лига Исток и Беласица да се најде во елитата стојат седум екипи од ова натпреварување и тоа Беласица, Осогово, Тиквеш, Победа Прилеп, Плачковица, Саса и Питу Гули од Крушево. Ако се прифати овој предлог да нема испаѓање од лигата би значело прилепска Победа, кочански Осогово и крушевскиот Питу Гули би го задржале второлигашкиот статус
На ова барање ги нема потписите на главните конкуренти за пласман во елитата штипска Брегалница, пехчевски Кит но и на гевгелиски Кожуф. За предлогот на второлигашите треба да се изјасни УО на ФФМ. До прекинот на лигата Беласица е лидер со вкупно 40 бода или 13 победи, 2 пораза и едно реми. Втора е Брегалница од Штип која има 37 бода или со скор 11 победи, 4 реми меча и еден пораз. Трет е Тиквеш кој имаше осетна негатива од 9 бода во однос на Беласица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
