Почнува скринингот на учениците, тестирање ќе има во Дојран и Конче

139

Денеска почнува скринингот на учениците во основните и средните училишта. Во Скопје,скринигот ќе се изведе во девет средни училишта а ќе бидат тестирани 258 ученици. Скрининг ќе има и во Кривогаштани, Берово, Вевчани, Дебарца, Демир Капија, Дојран, Зрновци, Конче, Лозово, Могила, Новаци, Пехчево, Старо Нагоричане и Центар Жупа, соопшти Министерството за здравство.  Тестирањето на учениците, ќе се спроведува во просторија одредена од страна на училиштето, а истото ќе трае помалку од една минута. Безболно е и безбедно, со земање на брис од грло и од носна шуплина.

Целта на скринингот е рано детектирање и евентуално пронаоѓање на асимптоматски носители на Ковид-19 меѓу учениците. Со податоците ќе се добие целосна слика на трансмисија на вирусот во училиштата. Министерството за здравство апелира на безрезервна поддршка од страна на родителите при давање на потребната согласност. Скринигот ќе обезбеди безбедно одвивање на наставата и заштита на здравјето на децата.

Во текот на изминатата недела родителите добиваа прашалници за согласност од страна на училиштата. Некои од родителите, без проблем се согласиле нивните деца да бидат тестирани. Од друга страна, пак има и родители кои не дозволуваат нивните деца да им се зема брис. Сметаат дека тоа нема да придонесе за искоренување на корона вирусот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.