Почнаа работите за расчистување на теренот и инсталирање на потребната инфраструктура за поставување на најавената модуларна ковид болница во Струмица. Истата ќе се наоѓа зад административната зграда на струмичкиот медицински центар. На површина од околу 600 метри квадратни каде ќе бидат поставени 36 контејнери во кои ќе има околу 33 легла од кои 18 ќе бидат за пациенти со лесна а 14 легла за ковид пациенти што ќе бидат на кислородна поддршка
,, Тампониран е просторот и се очекува да бидат поставени контејнерите во кои според најавите освен за сместување на ковид пациенти ќе има мобилна рентген амбуланта , ехо апарат и молекуларна лабараторија. Се надевам дека ќе нема потреба од користење на овој дополнителен простор .Во ова болница ќе работата специјалистите од инфективното одделение но и други лекари ,, кажа директорот на болницата Наќе Гогов кој подвлече дека бил распишан конкурс за прием на 8 општи лекари и 4 медицински сестри кои ќе бидат распоредени низ повеќе одделенија
Како што најави директорот Гогов, во модуларната болница ќе работата специјалистите од инфективно но и од други одделенија со медицински сестри кои ќе ротираат.
Во последната недела во Струмица состојбата е стабилна. Во моментов се лекуваат околу 60 тина пациенти на инфективно и дневниот ковид центар. Струмица е еден од градовите за кој министерот за здравство Венко Филипче најави дека до крајот на декември ќе добие модуларна болница заедно со Куманово. Освен во овие два града вакви болници за згрижување ковид пациент се планирани и во Струга и Гевгелија
Според последните статистики во моментов во Струмица има околу 568 активни случаи со ковид 19. Во овој регион досега заболеле 1785 лица а починале 69.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
