ОФС Струмица со бојкот на Изборното Собрание на ФФМ и претседателот Сејдини

1637

Делегатите на Општинскиот Фудбалски Сојуз од Струмица ниту предложија делeгати за престојното изборно собрание на ФФМ, ниту предложија член во УО ниту пак дадоа поддршка за претседател на на Федерацијата. Ова е еипологот од изборното собрание на ОФС Струмица на кое од регистрирани 47 присуствуваа 46 делегати од струмичко радовишкиот регион на кое за наредните 4 години довербата за нов мандат за претседател повторно му ја дадоа на Ѓорѓи Гоцевски, но не дадоа зелено светло и кандидати за најавеното изборно собрание на ФФМ идниот месец.

Југослав Тренчовски при изборот на делегати за Собранието на ФФМ даде предлог да не се номинираат, со оглед дека Статутот на ФФМ не е усогласен согласно Законот за спорт. Предлогот беше прифатен со 42 гласа а против се изјаснија само 4 делегати. Од таа причина не се гласаа ниту заменици за делегатите за престојното изборно собрание на ФФМ.

При изборот за предлог член од ОФС Струмица за член на УО на ФФМ се јави делегатот Ристо Секулов, кој го изрази својот револт што со години ОФС Струмица како еден од најорганизираните и најмасовни сојузи нема свој член во УО на ФФМ  а имајки во предвид дека најавеното изборно собрание на ФФМ се коси со Законот за спорт предложи да нема кандидат. Делегатите со 42 за и само 4 против го прифатија предлогот на Секулов. Меѓу другото тој подвлече дека досега членови на УО на ФФМ се избирале од далеку помалку масовни општински фудбалски сојузи но не од Струмица

При Одлуката за давање поддршка за претседател на ФФМ, повторно се јави Југослав Тренчовски кој реагираше на лошо формираната точка од дневниот ред. Тој се запраша на кого да се дава поддршка па да се гласа од ОФС Струмица, кога не е именуван ниту еден кандидат ниту пак се дава можност за предлог. Од таа причина и порано кажаното околу легитимноста на престојното изборно собрание на ФФМ, делегатите од ОФС Струмица не дадоа поддршка за никој.

Инаку на Изборното собрание на ОФС Струмица за претседател повторно го избраа досегашниот Ѓорѓи Гоцевски кој изјави дека и во наредниот период ќе работи во интерес на фудбалот во овој регион

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.