Струмица Никоб загуби во златниот сет од холандски Динамо но ќе игра во Купот на ЦЕВ (видео)

470

Одбојкарите на Струмица Никоб не обезбедија второ коло од Лигата на Шампиони откако загубија во златниот сет од  холандскиот Динамо Апелдорн, но остануваат во одбојкарска Европа.  Сега се селат во Купот на ЦЕВ каде ќе играт со Мурса Осијек од Хрватска. Ова е епилогот од реванш мечот со холанѓаните кои вечерва во Скопје загубија но го добија златниот сет со 15:13 и ги скршија надежите на струмичани дека ќе закажат двомеч со португалски Бенфика.

Вечерва струмичани одиграа далеку подобро од првиот меч во Холандија. На гостите од Холандија им го препуштија само првиот сет но следните три со одлична игра ги добија заради што мораше да се игра златен сет кој го доби Динамо Апелдорн.

Македонскиот шампион сега ќе игра со ОК Мурса од Осијек каде пред две сезони играше Стојан Илиев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.