Општина Радовиш е пример за меѓуетнички соживот – Ристов имаше прием на делегации од Турција

161

По повод одбележувањето на Денот на наставата на Турски јазик во Република Mакедонија – 21 декември, Градоначалникот Ацо Ристов имаше прием на делегациите од Република Турција. На приемот присуствуваа Заменик Министерот за труд и социјала – Енвер Хусеин, Градоначалник на општина Чинарчик – Нуман Сојер, Градоначалникот на општина Ташкопру – Исмаил Арслан, Заменик Градоначалникот на општина Ергене – Милајим Бедир и Советници од збратимената општина Селчук.

Честитајки го празникот и упатувајќи благодарност до организаторот – Здружението КХО на турците од Источна Македонија, Градоначалникот го изрази задоволството од досегашното пријателство и негување на добрите односи помеѓу нашите граѓани и народи од Турција и Македонија и истакна дека општина Радовиш е докажан пример за соживот, толеранција и успешна соработка помеѓу етничките заедници.

После тоа, Градоначалникот присуствуваше и на прославата по повод Денот на наставата на Турски јазик во Република Mакедонија која се одржа во Ресторан Леона Лукс.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.