Овчар со овци од Габревци Општина Конче заглавил пет часа на мал остров на Црна Река по надојдена вода од брана Тиквеш !

1900

Овчар од населеното место Габревци Општина Конче заедно со своето стадо овци вчера попладне цели пет бил на мал речен остров откако надошла водата во Црна Река заради испуштање на водата од ХЕЦ Тикеш

„На Единствениот број за итни случаи 112 во саботата во 17:32 часот доби информација за заглавен овчар среде Црна Река, со неговите стотина овци, на мало островче на 200 метри лоцирано под село Манастирец во Општина Росоман. Реката била надојдена заради зголемен проток при производство на електрична енергија од страна на ХЕЦ Тиквеш“, соопштија од ЦУК.

Откако било реагирано до АД ЕЛЕМ, водата од брана Тиквеш била запрена па се чекало уште четри часа да се намали нивото на водата. На лице место била испратена екипа од Полициска станица Кавадарци. После 22.10 часот, кога доволно се намалил водостојот, заглавениот овчар со стотина овци среде Црна Река на мало островче, поминал на брегот и биле спасени и тој и овците.

„На 20 април, сабота во 17.30 часот во ОВР Кавадарци, Г. Ц. (49) од село Габревци, Општина Конче, пријавил дека додека го напасувал стадото овци по речното корито на Црна Река во близина на село Манастирец, Кавадаречко, надошла реката и му го ограничила движењето и заедно со овците останал на копно обиколен со вода“,соопшти Биљана Ѓаковска, портпаролка на СВР Велес.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.