Објавен тендерот за асфалтирање на улицата до црквата Св.Илија во Радичево, Општина Василево

161

Центарот за развој на Југоисточниот плански регион го објави тендерот за избор на фирма која ќе ја асфалтира улицата од селото до Црквата Св. Илија во населеното место Радичево во општина Василево. Станува збор за проект  за кој парите се обезбедени од Програмата на Бирото за регионален рамномерен развој а како корисник се јавува и општина Василево. Станува збор за улица во должина од околу 330 метри со што ќе се реши пристапот до црквата и селските гробишта што беше и барање на граѓаните од Радичево

До крајот на годината ќе се знае која фирма ќе го добие тендерот во вредност од околу 2 200 000 денари без ДДВ. Економските оператори треба да исполнат одредени услови согласно распишаната Јавна набавка и да ги достават своите понуди за расчистување на трасата, поставување тапонски слој со дробеник, бетонски ивичњаци и поставување на асфалтна подлога

„ Пред една година ветивме дека во Радичево ќе бидат асфалтирани сите улици.  Од прв ден работиме посветено и фокусирано на решавање на децениски проблеми на нашите сожители. Задоволството на граѓаните е најголема награда за сработеното.  Објавен е тендер за асфалтирање на улицата до црквата Св.Илија во Радичево, за што обезбедивме средства.  Продолжуваме да ги решаваме проблемите, за убаво Василево“, напиша градоначалникот Андонов.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.