Ново Село доби околу милион евра за доизградба на фекалната канализација во општинскиот центар

496

Речиси милион евра доби Општина Ново Село од државата за завршување на канализацијата во општинскиот центар со што ќе се заокружи целиот систем кој беше рак рана како за жителите така и за општинските власти. Според информациите од градоначалникот Никола Андонов на општината и се одобрени околу 55 милиони денари од Министерството за транспрот и врски за решавање на овој проблем,со оглед дека општинскиот центар сеуште целосно не е покриен со канализациона мрежа.

,, Одобрени ни се околу 55 милиони денари за завршување на фекалната канализација во општинскиот центар во Ново Село. Станува збор за проект кој го аплициравме кај Министерството за транспорт и врски, кои во наредниот период треба да распишат тендер за избор на изведувач за реализација на овој капитален проект. Според проекциите целиот проект ќе се реализира во етапи и очекуваме да заврши идната година. Општинскиот центар Ново Село сега во моментов е покриен со околу 30 одсто со фекална канализациона мрежа но сега со реализација на овој проект ќе се овозможи секое домаќинство да добие услови за приклучок за отпадните и фекални води што како локална власт ни беше приоритет,, ни изјави градоначалникот на Ново Село Никола Андонов.

Изведбата на фекалната канализација ќе отпочне откако ќе биде избрана фирма изведувач на тендерот кој се очекува наскоро да биде распишан. Општина Ново Село паралелно бара и извор на финансирање за изградба на пречистителна станица за фекалните води од овој центар, бидејки како општина веќе имаат изработено техничка документација за ваков објект кој ќе врши прочистување на отпадните и фекалните води од општинскиот центар.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.