Домот на Марјан Христов од насленото место Смоларе во општина Ново Село прераснува во своевиден Музеј на некогашна Југославија. Во четирите простории од неговата семејна куќа за две децении, 34 годишниот Христов има собрано разновидни мали предмети кои оставиле белег на некогашна СФРЈ. Од поштенски марки, банкноти, школски прибор, документи, визит картим фотографии, амбалажа, книги па се до медали, ордени, статуи, бела техника. Вели дека не ја памети Југославија, но по кажувањата на постарите било период кога се ценел работникот и период кога сите се почитувале
,,Пред 20 години работејки градежништо, многу луѓе се ослободуваа од стари предемти, радиокасетафони, касети, плочи, разгледници,слики а јас ги собирав и ги носев дома. Така некако се роди идејата кон старите ЈУ предмети. Не ја паметам Југославија за жал, но од кажувања, гледајки филмови, читање книги, преку музиката правена во тоа врема но и спортските резултати кои се постиуванле била држава за репсект. Тогаш се помагало и се живеело добро. Имало и пропусти нормално не било се совршено, но секој си добивал по заслуга. Едноставно ја заскав старата Југославија,, ни вели Христов кој тврди дека досега имал собрано над милион стари предмети кои потекнуваат од пораншена Југославија
Собирал се што ќе му дојде при рака а потекнува од времето на СФРЈ. Шетајки по Македонија буквално се интересирал дали во некој дом има нешто во периодот до 1991 година. Во неговиот мал музеј може да се видат и кутии од прехрамбени производи, козметика од познатите југословенски брендови или пак нивните годишни календари што ги правеле. Но сепак најдраги му се банкнотите но и ордените медалите, кои се доделувале на заслужни работници, истакнати личности.
,, Тие ми се омилени. Во тој систем секогаш се наградувале најдобрите. Тогаш речиси во секоја фабрика се доделувале јубилејни ордени. Добар дел од мојата колекција се токму ордените за заслуги, медалите од разновидни синдикални натпреварувања, пофалници, предемети како награди,, вели Христов кој во својот дом чува и регистарски ознаки за автомбили од времето на СФРЈ а има стотина мали експонати од автомобили од познатото фичо и сто кец.
За да ја збогати својата колекција купувал стари предмети и од Скопје, Белград, Загреб, Сараево, Будва. Ги има посетено сите градови кои по нешто се истакнувале низ историјата дали по некој спортски, културен настан, по некоја фабрика или општествен настан. Се обидувал нешто да земе доколку е во периодот до распаѓањето на екс Југославија..Има околу илјада разгледници од градовите од поранешната држава.
,, Ќе ги чувам овие предмети. Повозрасни лица доаѓаат и се потсетуваат на времето. Евоцираат спомени а сето тоа ме исполнува иако само 3 години сум би жител на ова држава,, вели Марјан кој во дворот има и возило на кое е запишан датумот од второто заседание на АВНОЈ во Јајце кога преставниците од партизанското движење прогласиле федерално уредување на Југославија a се славеше како Ден на републиката.
Во последнте години, освен од поранешна Југославија, Христов собира стари експонати и од други места. Во моментов тој работи во Швајцарија како градежен работник и ако забележа дека домакините сакаат да се ослободат од некој стар предмет тој го присвојува кој планира да го донесе во родното место.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
