Министерот за земјоделство Љупчо Николовски на својот ФБ профил објави дека бордот на директори на Тутунски комбинат Прилеп донел одлука откупните цени на тутунот да се зголемат за 10 проценти од веќе договорените. Тој очекува дека и другите компании во земјава ќе го следат примерот на ТК Прилеп и да ги зголемат откупните цени од веќе договореното со производителите.
Парлалелно министерот на ФБ најави дека субвенциите за прва класа ќе биде зголемена за максимум 30 денари.
,,Исто така сакам да соопштам дека оваа година субвенцијата за прва класа ќе биде зголемена за дополнителни 20 до 30 денари односно ќе постигнеме рекордни субвенции по класи. Најавувам уште неколку други мерки за тутунарите што ќе ги спроведеме за прв пат со што обезбедуваме досега најголема историска финансиска поддршка“, стои во објавата на министерот Николовски на ФБ
Инаку откупот на тутунот се одвива со слаба динамика. Онаму каде што има, откупните фирми тутунот од последната реколта го оценуваат претежно прва и во мали количини втора класа. Тутунарите бараат во просек тутунот ова сезона да биде не помалку од 600 денари по килограм.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
