Никола Андонов ја превзеде градоначалничката функција, вети завршување на канализацијата во Ново Село и водоводи по селата

596

Никола Андонов ја превзеде градоначалничката функција во општина Ново Село од досегашниот вршител на должноста Горан Цветков. Откако го прими решението од Општинската изборна комисија, Андонов ќе раководи со ова локална самоуправа до редовните локални избори во 2021 година. Примопредавањето се случи во Домот на културата со оглед дека општинската зграда сеуште се реновира иако таа требаше да биде готова до крајот на април.

,,Ќе бидам градоначалник на сите граѓани на општина Ново Село.  Ќе се обидам да ја вратам довербата во ова институција и да се посветиме  да бидеме вистински сервис на граѓаните. Вратите на мојата канцеларија ќе бидат отворени за сите граѓани бидејки со нив и нивните потреби и критики ќе ја креираме општината во иднина. Парлелно не отстапувам од моите приоритети кои ги најавив. Ќе се посветам на завршување на канализационата мрежа во Ново Село и обезбедувањето на чиста вода за пиење во повеќето населени места во општината”, истакна новиот градоначалник на општина Ново Село – Никола Андонов

Во градоначалничката фотелја, Андонов седнува десет дена по неговата победа, откако ВМРО ДПМНЕ реагираше до ДИК и Управниот суд за гласањето на едно избирачко место. Приговорите беа отфрлени. Ова е втор пат како Никола Андонов кандидат на СДСМ ќе ја води општина Ново Село. Тој беше градоначалник и во периодот од 2005 до 2009 година

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.