Училишниот тим во футсал на ООУ ,,Видое Подгорец’’ од Колешино го освои Балканскиот Шампионат за Основни училишта во женска конкуренција. На завршниот турнир во Приштина – Косово ученичките од ова училиште доминираа пред двете екипи од Косово и Албанија и го ја освоија титулата Балкански Шампионки иако како училиште во Колешино, немаат спортска сала.
Во првото коло со 15:1 го совладаа тимот од Албанија, во второто славеа против Косово А, екипата со 5:1 а со вториот косовоски преставник одиграа 2:2. Со скор од две победи и едно реми , девојчињата од училиштето од Колешино предводени од тренерот, наставникот Спаско Милков го освоија златото на Балканското првенство во футсал за ученички тимови од основни училишта женска конкуренција.
,, Ова е огромен успех за нашето училиште ООУ ,,Видое Подгорец’’ од Колешино. Две години по ред сме државни прваци во футсал во женска конкуренција а сега станавме и Балкански шампионки. Иако немаме спортска сала докажавме дека кога се сака може да се остваруваат резултати. Се надеваме дека наскоро ќе го решиме и овој проблем, за да продолжиме да градиме млади спортисти,, ни изјави директорката на училиштето Слаѓана Радојчиќ
Екипата на наставникот Спаско Милков е составена од ученички од 6 до 9 одделение. Тие веќе две години доминираат во училишниот спорт кога станува збор за женскиот фудбал. Тренираат постојано на отвореното училишно игралиште и нижат резултати.
Во машка конкуренција на ова Балканско првенство во футсал за основни училишта во Приштина во Косово, Македонија ја преставуваше школото ,,Страшо Пинџур’’ од Неготино
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
