На пешачкиот кај Комерцијална и раскрсницата кон автобуската во Струмица ќе се поставуваат семафори

709

Општина Струмица ќе постави светлосна сигнална контрола на булеварот ,,Маршал Тито’’ на пешачкиот премин кај Комерцијална банка но и на раскрсницата меѓу ,,Климент Охридски’’ и ,,Братство Единство’’ кај автобуската станица. Така најави Атанаско Глигоров, советник за сообраќајна инфраструктура во општина Струмица кој информираше за реализираните проекти во делот на безбедноста во сообраќајот. Како што подвлече Глигоров за семафорите кај Комерцијална и на раскрсницата кон автобуската веќе бил избрана фирма за изработка на проектите

,, Во иднина позначајни проекти за кои веќе е назначен изработувач на сообраќајните проекти ќе бидат изготвување на проектна документација за светлосно сигнална контрола на булеварот ,,Маршал Тито’’ непосредно пред објектот на Комерцијална банка со кои ќе се овоможи пешаците, преминот да го преминуваат во групи а не поединечно со што се загрозува и закочува сообраќајот. Потоа на раскрсницата улица ,,Климент Охридски’’ со ,,Братство Единство’’ ќе се направи проект за реализација на семафори со цел да се подобри безбедноста на ова улица,, рече Глигоров

Тој рече дека на територијата на општина Струмица (во градот и населените места) во изминатиот период поставени се 15 сферни огледала на повеќе улици каде е констатирано дека е намалена прегледноста, преку 70 светлечки солар маркери непосредно пред пешачки премини кои се категоризирани како ризични и во услови намалена видливост, 150 гумени флексибилни – флуоросцентни столбчиња, со што улиците кои со години беа закрчени и узурпирани со непрописно паркирани возила, сега се функционални и безбедни.

Како што подвлече Глигоров, Обновена е постојната и поставена нова вертикална и хоризонтална сообраќајна сигнализација и опрема во координација со Јавните претпријатија „Паркиралишта“ и ЈПКД „Комуналец“, со 100 вертикални сообраќајни знаци и обележување на 7.000 метри квадратни од хоризонтална сообраќајна сигнализација, а поставени се и вибро ленти за смирување на сообраќајот пред основните училишта во населените места Дабиле и Костурино.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.