Маестро Симон Трпчески со проектот „Македонисимо“ ова лето во Секирник – родното село на мајка му Нетка

5890

Реномираниот македонски и светски признат пијанист Симон Трпчески ова лето ќе има настап во Општина Босилово со интернационалниот музички проект ,,Македонисимо“. Проектот ќе се реализира како дел од манифестацијата ,,Босилово културно лето 2023“ а според најавите – „Македонисимо“ ќе биде изведен последните денови од месец август во населеното место Секирник – родното место на неговата мајка Нетка.

Ова е исходот од средбата меѓу градоначалникот на Босилово Ристо Манчев и пијанистот Трпчевски кој беше во општината на покана на Манчев. Тие заедно беа и во населеното место Секирник каде го посетија Домот во кој е презентирана носијата на русалиите како заштитен белег на ова населено место.

,,На задоволство на сите граѓани од општина Босилово и поширокиот струмички регион, оваа лето ќе имаме можност во живо да ги слушнеме прекрасните изведби на светски познатиот музички виртуоз Симон Трпчески,, објави градоначалникот на Босилово Ристо Манчев

,,Македонисимо“ е музички проект во чии рамки на оригинален начин е обработена македонската народна музика од страна на композиторот Панде Шахов. Станува збор за 23 ора и песни специјално избрани од маестро Трпчевски  со кој од 2017 тата ја споделуваат магијата на македонската изворна музика со целиот свет за што зборуваат бројните настапи во Германија, Велика Британија, Холандија па сѐ до Кореја и Канада.

Инаку виртуозот на пијано, маестро Симон Трпчески во 2022  ја изведе македонската претпремиера на неговиот проект „Македонисимо“ во родното село на татко му, Збажди, на планината Караорман.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.