МВР: Во Струмица сообраќајка меѓу две возила, во Гевгелија моторциклист изгубил контрола и се повредил

1392

МВР информираше дека вчера во  Полициската станица Струмица било пријавено дека на крстосницата од улиците „Ленинова“ и „4 Јули“ во Струмица се случила сообракајна незгода помеѓу патничко возило „бмв“, со струмички регистарски ознаки, управувано од С.Ј.(20) од Струмица и патничко возило „рено меган“, со струмички регистарски ознаки, управувано од Т.В. (50) од Струмица.

Според соопштението во незгодата со тешки телесни повреди се здобила Т.В., констатирани во Медицински центар Струмица, каде била пренесена за укажување лекарска помош. Увид на местото извршила екипа на Полициската станица Струмица.

Вчера пак во Гевгелија на регионалниот пат село Смоквица – с.Прдејци, гевгелиско, П.И.(19) од Гевгелија, управувајќи мотоцикл „јамаха“, со битолски регистарски ознаки, изгубил контрола и паднал на коловозот. По незгодата, мотоциклистот бил пренесен во Медицинскиот центар Гевгелија, каде што му биле констатирани тешки телесни повреди

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.