Маската „Струмичка корида“ најдобра според публиката на Струмичкиот карневал која гласаше онлајн (фото/видео)

1602

Маската ,,Струмичка корида“ на ООУ ,,Видое Подгорец“ од Струмица доби најмногу поени на онлајн гласањето што и ова година го спроведе организациониот одбор на Струмичкиот карневал. Тие добија диплома за најмногу освоено гласови од публиката која им беше врачена на доделувањето на наградите на најдобрите маски од годинашново издание. Паралелно ова маска ја доби и втората награда во категоријата групни маски од 30 до 50 учесници.

Карневалската група броеше 45 члена кои со својата маска испратија порака за љубов кон животните а со својот настап за време на одржувањето на главното карневалско дефиле, на струмички начин ја преставија шпанската корида.

,, Ја славиме коридата, љубовта и младоста но и хуманиот однос кон животните оти место да се убие бикот ние му даваме цвеќе. Со маската ние ја славиме љубовта: првата меѓу матадорот и шпањолката а другата  помегу човекот и животното односно бикот,, стоеше во објаснувањето за маската „Струмичка корида“.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.