Манчев со отчет: Патот за развој на општина Босилово постепено, но сигурно се трасира

214

Во изминатите сто дена покажавме како се работи домакински и одговорно, посветено, чесно и транспарентно, без предрасуди и поделби, со позитивна енергија и меѓусебно почитување. Вака кажа градоначалникот на Босилово Ристо Манчев давајки отчет за сработеното за првите 100 дена од својот мандат, подвлеквуајки дека патот за развој на општина Босилово постепено, но сигурно се трасира. Како поважни проекти кој ги сработил во овој период ги наведе:

,, Асфалтирање на улица во населено место Дрвош во должина од 560 метри, Изградба – асфалтирање на улица, со потпорен ѕид, во населено место Моноспитово, во должина од 650 метри и ширина на коловозот од 4 метри, Изградба на бунар со пумпна станица, за водоснабдување на населено место Дрвош, Изградба на пропуст во Иловица во должина од 30 метри, Чистење на најмалку десетина диви депонии за отпад на териоријата на општина Босилово,Чистење на одводен канал во Босилово и санирање на дел од критичните точки на река Струмица,, кажа Манчев
Тој ги спомна и двете повеќе наменски игралиштаво во Моноспитово и во Робово. Двете повеќенаменски игралишта се финансирале со буџетски средства на општината  и се очекува во најбрзо време да бидат завршени.
,,Општина Босилово потпиша Договор за партнерство, со општина Ново Село и Центарот за развој на Југоисточен плански регион со кој договор се предвидува реализација на еден од најкрупните проекти во изминатите години, а тоа е изградба на локалниот пат Бориево – Колешино. Проектирана вредност на инвестицијата е 26.497.310 денари, и овие денови ќе започне постапката за јавна набавка односно тендерирање, а потоа и изградба на наведениот патен правец. Исто така, потпишан е договор со Н. Е амбасадорот на Јапонија, Хиронори Савада со кој што договор Јапонија ќе обезбеди ново возило за собирање смет за општина Босилово во износ од 67.820 евра без ДДВ,, кажа Манчев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.