Патеката од Валандово до манастирот Св. Ѓорѓија која се градеше со средства од Бирото за регионален рамномерен развој што ги обезбеди Центарот за развој на Југоисточниот плански регион е речиси готова. Станува збор за патека долга околу 2,5 километри која е проширена, осветлена, со многу урбана опрема и информативни табли што се може да видат посетителите, со што ова култно место на валандовчани доби сосема нов лик за одмор и рекреација.
Ова патека денес ја посети министерот за локална самоуправа Горан Милевски заедно со градоначалникот на Валандово Перо Костадинов и раководителката на Центарот за развој на Југоистокот Жулиета Ѓуркова. Извршија увид при што министерот Милевски изрази воодушевување и задоволство од реализираното од проектот и го посочи како пример за потикнување на туризмот во една општина и зачувување на традиционалните вредности имајки во предвид дека патеката е култно место за валандовчани.
Инаку вдолж патеката поставени се клупи за одмор, подигнати 4 летниковци – павиљони за релаксација, катчиња со детски реквизити, паркинзи, отворена фитнес зона со елементи за вежбање, импровизирана карпа за алпинистичко искачување а кај самиот манастир подигнати се повеќе летниковци.
Градоначалникот на Валандово Перо Костадинов призна дека со велосипед веќе ја користи ова патека за рекреација но ги повика валандовчани и сите посетители да ја чуваат бидејки таа треба да биде во функција на сите добронамерници и е градена со парите на сите граѓани. Жулиета Ѓуркова од Центарот за развој на Југоистокот истакна дека со реализацијата на овој проект се отвора уште една нова туристичка понуда во регионот
Инаку за реализација на овој проект се потрошени околу 8,3 милиони денари
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
