Кои 12 фамилии од Струмица се најспортски и дале голем број врвни спортисти низ годините (ФОТО)

706

На иницијатива на спортски работници ветерани од Струмица, првиот човек на општината Костадин Костадинов додели Благодарници на 12 струмички фамилии од чии редови излегле пет или повеќе врвни спортисти. Станува збор за фамилии од кои, низ годините наназад излегле квалитетни одбојкари, фудбалери, кошаркари, ракометари и други спортисти кои оставиле печат не само во Струмица туку и на национално и меѓународно ниво.

Станува збор за фамилиите Ричлиеви и Кечеви од чии редови излегле по 12 врвни спортски имиња, Џорлеви и Јанкови кои исфрлиле по 8 познати спортски имиња, Семенкови и Василево по 7, фамилијата Босиљанови 6 а по пет врвни спортисти дале фамилиите Масеви, Николови, Трнедови, Панови и Гошеви.Благодарниците им ги додели градоначалникот Костадин Костадинов кој подвлече дека ќе ги подржува сите настани од спортот

,,Струмица од секогаш била и ќе биде град на спортски таленти кои што постигнале врвни спортски резултати ширум светот. Според евиденцијата на спортските ветерани само од населбата Бабјак се излезени 300 спортисти што е реткост и во пошироки рамки а каде се евидентирани дури 11 фамилии“ кажа градоначалникот Костадинов.

Како што беше кажано на свеченоста каде дојдоа голем број пораншени и сегашни спортисти, селекцијата е напревана од иницијативен одбор во состав Митко Николов-Белата, покојниот Томе Семенков, Вице Заев, Душан Костов во соработка со градскиот Музеј сектор Историја. Тие беа и иницијатори за подигање на спомен табла на која се испишани сите имиња на спортисти кои излегле од населбата Бабјак.

фото Сречко Гунчев од фамилиите кои добија благодарници

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.