Објавен огласот за распределба на 37 те социјални станови во Струмица, кои може да аплицираат и што се е потребно

2180

Министерството за транспорт и врски по втор пат го објави огласот за распределба на 37 те станови за социјално ранливи категории на граѓани во станбена зграда на ул. „Ѓорѓи Василев“ во Струмица. Право на учество на огласот имаат деца без родители или родителска грижа – над 18 години кои биле досега биле згрижени во институции, корисници на правото на гарантирана минимална помош, лица погодени од елементарни-природни непогоди без разлика на правниот статус на нивните постојни живеалишта. Опфатени се и лица со попреченост и семејства со лица со попреченост, припадници на Ромската заедница социјално загрозени и самохрани родители со малолетни деца.

Лицата кои ќе аплицираат треба да се државјани на Република Северна Македонија, да имаат постојано место на живеење во општината каде е изграден социјалниот стан и да не поседуваат стан во лична сопственост, на брачниот другар и на полнолетните членови на неговото заедничко домаќинство на територијата на државата.

Потребната документација ќе може да се поднесува во Меѓуопштинскиот центар за социјална работа во Струмица. За оние кои не се во можност сами да ја комплетираат потребната документација, Центарот за социјални работи ќе ја обезбеди потребната помош за обезбедување на целокупната документација. Документите треба да бидат во оригинал или копии заверени на нотар не постари од 6 месеци, освен документите кои се обележени од надлежен орган како трајни.

Огласот трае до 15 април годинава, повеќе информации за потребната документација на следниов ЛИНК

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.