Кинезите не попуштија, Шуклев и Николов за Пекинг ама без Реното кое останува во Монголија

2254

Возачкиот тандем Шуклев и Николов сепак ќе патува за Пекинг во Кина но без легендарното Рено 4 кое ќе остане на монголската територија. МНР излобира ова двојка од Стојаково симболично да ја заокружи планираната цел до кинескиот ѕид во Пекинг со авионски лет од Уланбатар од Монголија.  Двајцата автомобилисти утрово тргнаа од границата кон Уланбатар од каде со авион ќе летаат до Пекинг Кина, додека реставираното возило старо 41 година ќе биде на аеродромот во Уланбатар.

Ова е последната информација која доаѓа од возачката двојка која била на линија и лично со македонското МНР министерот Никола Димитров откако кинеските власти останале на ставот дека за влез во Кина со возило, мора да имат склучен аранжман со туристичка агенција со професионален кинески возач кој ќе го вози Реното 4 низ ова државa

,, Голема благодарност на почесниот конзул на Република Турција Ајдован Адемоски и на хотелот Double Tree by Hilton, и секако на министерот Никола Димитров и Министерството за надворешни работи за дадената поддршка да продолжиме кон Пекинг,, објавија двајцата автомобилисти

Инаку од могнолско –кинеската граница до Пекинг на стојачани им останаа околу 500 километри но заради строгата кинеска регулатива им беше забрането да влезат во Кина.Шуклев и Николов беа лути оти овој податок не им беше предочен при добивањето визи во кинеската амбасада во земјава. Сега мора да се враќаат околу 600 километри до Уланбатар за да летаат со авион до Пекинг оддалечен 1200 километри. Шуклев и Николо во Пекинг ќе бидат два дена за да симболично стасат до кинескиот ѕид по што повторно со авион се враќаат во Монголија во Уланбатар од каде ќе ја започнат мисијата за враќање кон родното Стојаково

Тие досега имаат извозено на 10 илјади километри. Тргнаа на 29 јуни од Стојаково па преку Србија, Унгарија, Украина стасаа до Москва Русија каде возеа повеќе денови и ги имаа највозбудливите моменти. Пред три дена влегоа во Монголија но нивната мисија беше стопирана на монголско кинеската граница заради што мораше да интервенира македонското МНР и министерот Никола Димитров

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.