Кај струмичко Костурино повторно откриени мигранти во камион, возачот избегал

270

Синоќа околу 20.00 часот на регионалниот патен правец Валандово – Струмица во атарот на населеното место Костурино општина Струмица, при контрола на полициски службеници од Граничен премин и граничен надзор Стар Дојран во товарно возило марка „киа“, со регистарски таблички од друго возило пронашло 15 мигранти од Бангладеш, информира МВР

Според соопштението од МВР возачот побегнал од местото а по наредба на Јавен обвинител, мигрантите се сместени во Прифатниот центар за странци „Винојуг“ во Гевгелија и во Прифатниот центар за странци во Гази Баба Скопје.

Ова е втора поголема група со мигранти кои се откриени кај Костурино, откако пред една седмица во патничко возило „Рено трафик“, со битолски регистарски ознаки, беа пронајдени 28 лица мигранти. Според тогашното соопштение од МВР и тогаш возачот на возилото го напуштил местото на настанот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.