Како единки сме немоќни, но заедно можеме да ги насочиме децата кон исправни животни одлуки, порача Фондацијата Елеуса

155

Во организација на Фондацијата „Елеуса” во НУЦК „Антон Панов” во Струмица синоќа се одржа трибина насловена како „Зависност-криза на современиот човек”.Пред присутните говореа Викарниот епископ Јаков Стобиски, Васка Д. Митова, специјалист психијатар, отец Симеон Кантурски-свештеник и дипломиран психолог и Билјана Мицева, социолог и социјален работник.

На трибината сеопфатно беа изнесени факти и ставови со јасна порака, дека за зависниците има надеж и дека има голем број на светли приказни на луѓе кои излегле од мракот на зависноста. Панелистите посочија дека зависноста не доаѓа како страшно чудовиште туку се умилкува како кутре кое подоцна ќе прерасне во ѕвер кој ги уништува животите доколку не се пружи помош.

,,Како единки сме немоќни , но сите заедно можеме да придонесеме многу за нашите деца да растат во една поздрава средина или барем психолошки да ги подготвиме за предизвиците на новото време и да ги насочиме кон исправните животни одлуки,, велат од Фондацијата.

Инаку, синоќешната трибина беше трета од серијата такви настани насловени како „Современите искушенија како предизвици за духовно будење на личноста” во организација на Фондацијата „Елеуса”.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.