Почна реконструкцијата на поројот Крушевска во Струмица, скопска фирма избрана за надзор на работите

1371

Од вчера градежни екипи на фирмата Жикол од Струмица која го доби тендерот за реконструкцијата на каналот за атмосферски води на дел од улицата ,,Крушевска Република’’ во Струмица – прва фаза ги почнаа работите на терен. Се врши расчистување на потегот кој треба да биде покриен и прерасне во шеталиште а двете сообраќајници од левата и десната страна да бидат проширени. Првиот човек на Струмица Коста Јаневски денеска кажа дека ќе се подобри функционалноста и подобрување на урбаниот и естетски дел на овој дел од Струмица

,,Проектот подразбира реконструкција на истрошените делови, промена на самиот пресек на поројот, проширување на двете паралелни сообраќајници и покривање на истиот, хортикултурно уредување, осветлување и мислам дека овој комплексен проект значително ќе го промени изгледот на овој дел од градот и општо на целата Општина. Мислам дека значително ќе се подобри функционалноста и урбаниот и естетски изглед на овој каналот и сигурно ќе претставува еден украс на нашиот град, а воедно ќе биде и заштитен од оние несакани појави, како што се загадување и фрлање отпадоци во него, мислам дека ова ќе биде проект со којшто ќе се гордееме во иднина,, рече Јаневски

Паралелно општина Струмица деновиве склучи договор со скопската фирма ,,Мг Проект’’ која за вредност од 400 илјади денари треба да го врши надзорот на изведбата на овој капитален проект кој Жикол според склучениот договор ќе мора да го изведе во рок од осум месеци за вредност од 578 илјади евра. Јаневски кажа дека добил уверување дека можно е да се реализира и поранод од договореното

,,Изведувач е фирмата „Жикол“ којашто на отворено јавно наддавање го доби овој проект, рокот за изведување на овој сегмент е осум месеци, а имам уверување од изведувачот дека возможно е со поголема динамика тоа да биде и побрзо, што пак е посакувано за сите нас,, рече Јаневски

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.