Институциите во Босилово преку вежба ги јакнеа капацитетите за превенција и ублажување на последици од поплава

742

Во рамките на проектот за „Ефективна превенција и ублажување на последиците од поплави“ во Општина Босилово се одржа симулациона тактичко показна вежба со која се покажаа и увежбуваа активностите кои се остваруваат во случај на поплава во оваа општина, поточно на населеното место Босилово, согласно актите за заштита и спасување и проценките за ризик во оваа oпштина.

Со учество на институциите во системот: Градоначалникот и вработените во Општина Босилово, вработени во комуналното претпријатие „Огражден“ од Босилово, Црвен крст Струмица, ДЗС Струмица, ТППЕ Струмица, РЦУК Струмица и СВР Струмица, се симулираше одбрана од поплава со поставување на насип од камен и песок на критичната точка, како опасност од преливање на водена маса во населеното место Босилово.

Истовремено беа симулирани спасување на давеник од надојденото речно корито од страна на припадници на ТППЕ Струмица, и давање на прва помош на повреден работник при поставување на камениот бедем. На повредените им беше дадено прва помош од страна на волонтери на Црвен крст.

Со успешно спроведената вежба се изврши проверка на плановите за заштита и спасување на Општина Босилово, и соработката на институциите во системот.
На оваа вежба беа присутни и гости од Бугарија, поточно од регион Гармен, како дел од соработката помеѓу двете Општини.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.