Колку земале советниците на општините од Југоистокот како месечен паушал во 2019 – истражување на ЦГК

2450

Центарот за граѓански комуникации од Скопје деновиве објави истражување за надоместоците на советниците на општините во земјава за 2019 година. Според нив месечните паушали на членовите на советите на сите 80 локални самоуправи и град Скопје за 2019 година изнесуваат 3,5 милиони евра. Во земјава има околу 1 319 советници  додека  месечните паушали се исплаќаат доколку советот одржи најмалку една седница во месецот стои во истражувањето на ЦГК од Скопје

Во општини од Југоистокот најголем месечен паушал во 2019 имале членовите на Советот на општина Струмица и тоа 16 993 денари додека претседателот 22 091 денар. Според Центарот за граѓански комуникации тие во 2019 одржале 13 седници. Советниците на општина Радовиш во 2019 добивале по 14 566 денари месечен надомест додека претседателот 18 936 денари а одржале 14 седници.

Месечниот надоместок на членовите на Советите во општините Босилово, Валандово и Гевгелија за 2019 та изнесувал 12 138 денари додека претседателите на советите во овие три општини секој месец добивале по 15 779 денари . Разлика има само во бројот на одржани седници. Босилово во 2019 одржале 12, Валандово 15 а Гевгелија 16 седници

Советниците на општините Богданци и Дојран во 2019 година кога одржале по 15 седници добивале месечен надоместок од 10 085 денари а претседателите по 13 111 денари. Во општина Василево членовите добивале по 9 400 како месечен надоместок а претседателот  12 200 за 2019. Василево е единствената општина која исплаќала надоместоци под законскиот минимум

На последните две позиции по висината на исплатените паушали се Ново Село и Конче. Во општина Ново Село во 2019 членовите добивале 9 000 денари а претседателот 11 700 денари додека во Конче советниците добивале по 8 936 денари а претседателот 11 617 денари

Согласно законската регулатива месечните паушали во Град Скопје се во висина на просечната исплатена плата во државата за минатата година. Во останатите општини, месечниот надомест се утврува како процентуален износ од просечната исплатена плата  но не повеќе од 40 % во општини до 10.000 жители, 50 % во општини од 10.001 до 25.000 жители, 60 % во општини од 25.001 до 50.000 жители и 70 % во општини над 50.001 жител. Претседателите на советите добиваат за 30 % поголем износ на паушал од советниците стои меѓудругото во истражувањето на Центарот за граѓански комуникации направено во рамки на Проектот за граѓанско учество со поддршка на американскиот народ преку Агенцијата на САД за меѓународен развој (УСАИД).

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.