(Комерцијална ПР објава)
- Предрасуди и Стереотипи: Рударскиот комплекс ќе испушта технолошка вода со токсични состојки со што ќе се загадат подземните и надземните води.
ВИСТИНА: Нашиот проект е дизајниран со „НУЛА“ празнење, што значи дека водата што ја користиме при обработката е задржана и со рециклирање, повторно се употребува и никогаш не се испушта во реките или подземните води околу нас.
При проектирање ги пресметуваме условите на најекстремни бури и поројни дождови. Дизајнот е направен да издржи поплава ,,од 1 во 1000 години” без истекување на вода во животната средина. Ова се постигнува со тоа што ќе се осигураме дека има потребен капацитет за прилив на атмосферска вода во јаловиштето. Додатно, низводно од камениот насип ќе се постави посебен резервоар или таканаречена „брана за атмосферска вода”, каде ќе се контролира приливот на поројни води, водата со лош квалитет ќе се складира времено и ќе ги задржи наносите. Вишокот вода со моќни пумпи ќе биде испумпуван и спроведен со цевки од пречистителната станица каде ќе се неутрализира киселоста. Доколку има потреба ќе се намалат концентрациите на металите… вака ќе се овозможи повторно користење на водата (на пример – за наводнување).
Инвестираме и во инсталација на специјална геотекстилна мембрана на горниот дел од камениот насип за да се обезбеди целосна заштита на подземните води.
Проектирана е и инвестиција од неколку милиони евра во квалитетен систем за канално пренасочување на водата од Штучка река, со што потполно ќе се одвои од јаловиштето. Не се предвидуваат значителни промени во ниските и средните теченија на Штучка река и реката Јазга на местото каде е селскиот зафат и подолу низводно.
Технолошката вода за надополнување на потребите на Проектот е од акумулацијата „Турија”. Се обврзуваме во целост да финансираме изградба на нов цевковод до акумулацијата „Иловица”, со што ќе се замени постојниот отворен канал од кој се евидентирани големи загуби на вода. Цевководот ќе биде во сопственост и управување на Водостопанството на Македонија со кои веќе е потпишан Меморандум за разбирање, каде ние се согласуваме да бидеме последни на листата на приоритети за користење на водата. Прв приоритет се – локалното население и земјоделските корисници.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
