Излета комбе со мигранти на патот Струмица-Валандово, возачот во бегство, најмалку 8 лица се повредени (фото)

1720
Вечерва околу 21 часот се случи сообраќајна незгода во која учествувала комбе со мигранти. Како што информираат од СВР Струмица незгодата се случила на патот Струмица Валандово кај Раборската раскрсница. Комбето со битолски регистарски ознаки од засега непознати причини се превртело  покрај коловозот а возачот се дал во бегство
Според полицијата најмалку 8 мигранти се повредени а 4 се со потешки и префрлени во струмичката болница. На лице место интервенирале и од ТППЕ Струмица со 1 возило и 6 пожарникари. Се употребувале специјални хидраулични алатки за извлекување на повредените лица.
Во тек е увид на лице место полициска екипа но и од  јавен обвинител.
За потсетување вчера во Струмица комбе полно со мигранти предизвика сообраќајка на улицата Младинска при што уништи три возила а беа повредени и неколку мигранти. Возачот од Кочани е приведен

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.