Германската делегација од Општина Шланген која е во официјална посета на Општина Струмица, денеска го посетија и се информирале за работата на ЈСП „Струмица Транспорт“. Како што наведуваат од Општина Струмица, во соопштението до медиумите, гостите од Германија меѓу кои и експерти за јавен превоз и одржлива мобилност се интересирале за организацијата на системот, резултатите и плановите за развој на Јавното претпријатие.
Во соопштението лиферувано до медиумите, Општина Струмица наведува дека на денешната средба со германските преставници се разговарало и за можностите јавниот градски превоз да се прошири и надвор од границите на Општина Струмица. Конкретно се мисли и опфат со автобуски линии на општините Василево, Босилово и Ново Село .
,, Разговорите беа насочени и кон можностите за проширување на мрежата на јавен превоз надвор од општинските граници, подобрувањето на поврзаноста со соседните општини и примената на современи европски практики во управувањето со јавниот транспорт“, стои во информацијата од Општината до медиумите
Лани во неомври веднаш по локалните избори, на официјална средба на првиот човек на Струмица Петар Јанков со градоначалниците на Босилово, Ново Село и Василево Ристо Манчев, Ѓорѓе Божинов и Славе Андонов се разговарало и на оваа тема.
Германските преставници изразиле подготвеност да пренесат европски практики и стручни препораки по оваа прашање.
“За тоа се потребни анализа на транспортните потреби, утврдување на можните нови линии и согледување на организациските, техничките и инфраструктурните услови за нивно функционирање. Размената на идеи со германските експерти треба да овозможи согледување на европските практики и добивање стручни препораки за надминување на овие предизвици, утврдување на приоритетите и дефинирање на следните развојни чекори на ЈП „Струмица-Транспорт“, допрецизираа од Општина Струмица на прашањето на Дрнка МК во врска со можноста за меѓуопшински превоз
Инаку на средбата денеска, првиот човек на Струмица Транспорт Ване Митушев на гостите од Германија им кажал дека во план е зголемување на возниот парк но и користење на обновливи извори на енергија.
„Пред нас се предизвици поврзани со зголемувањето на возниот парк, модернизацијата на автобуските постојки, воспоставувањето сопствен сервисен центар и подобрувањето на енергетската инфраструктура. Особено важно е да ги разгледаме можностите за користење обновливи извори на енергија и проширување на јавниот превоз кон другите општини во регионот “, истакна директорот на ЈП „Струмица-Транспорт Ване Митушев
Струмица транспрот располага со 10 целосно електрични автобуси, кои се организирани во 12 автобуски линии и опслужуваат мрежа од 118 автобуски постојки, при што превозот ги опфаќа поголемиот дел од населените места во општината. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
