Игор Џамбазов со Гуру Харе и Јовче Пандев ги отвараат музичките вечери на СОФ 2019 – еве кој се ќе пее на ,,Чешмичката’’

247

Од петок 9 август почнуваат музичките вечери од годинашново издание на Струмица опен фест и тоа на сцената кај Чешмичката кај градскиот парк. Честа да го отворат музичкиот дел го имa легендарниот македонски актер, водител и шоумен Игор Џамбазов заедно со неговиот блуз-гуру, Игор Атанасовски алијас Гуру Харе а со репертоар од македонски рок песни ќе има и Јовче Пандев.

Во сабота пак на истата локација повторно рок и тоа со  Дактили и АРЕА а во недела пред публиката свој концерт ќе има свинг-џез бендот Летечки пекинезери . Во понеделник на 12 август уживање ќе има со битолскиот камерен оркестар James Bond Symphony. Триесет инструменталисти со солистите Ѓоко Танески, Ирена Димовска, Агни Авшар и Тамара Стојковска ќе ги изведат најпопуларните теми од Џеjмс Бонд филмовите.

Во вторник ќе биде завршниот концерт на летната школа за гитара а во среда трибјут за Тоше Проески во изведба на Александра јанева, Марко Логаут и Васил Гарванлиев додека во четврток ќе биде македонско-бугарското музичко дружење

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.