Попладнево избувна пожар во лимените гаражи на струмичкиот суд . Најмалку две возила се опожарени од кои едното во гаражата која целосно изгоре. Станува збор за новото судско возило а беше опожарен и автомобил кој беше во непосредна близина на лимените гаражи. ТППЕ Струмица со најмалку три возила успеа да го локализира пожарот кој предизвика и прекин во електричната енергија и телекомуникациските линии со оглед дека од пожарот беа зафатени и жиците над гаражата.
Засега нема информација како настанал пожарот. Очевидци тврдат дека слушнале како мини експлозија по што настанал пожарот кој набрзина се проширил по целата гаража во која освен возила имаше и друг матријал кој што гореше
Портпаролката на судот Цона Каламерникова ни изјави дека во пожарот изгорело новонабавеното судско возило кое било осигурано. Во пожарот изгореле и одземени предмети од правосилни судски пресуди. Дополнително ќе се утврдуваат причините за пожарот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
