Земјоделците од Иловица и Штука го блокираа патот кон овие населени места во знак на револт заради ниската откупна цена на младиот компир. Со трактори и земјоделска механизација излегоа утрово на раскрсницата кон овие села, откако откупната цена на младиот компир падна на 15 денари за килограм. Според нив ова цена не ги покрива ниту производствените трошоци а камоли да имаат надомест за трудот кој што го вложиле или пак заработувачка.
,, Младиот компир почна да се откупува по цена од 15 и 18 денари во зависност од квалитетот а откупната цена на младиот компир не смее да падне под 25 денари. Семенскиот матријал скап, скапи се ѓубривата, препаратите. Очигледно треба или џабе да го предадеме нашето производство или да го оставиме да гние по нивите а сите демек се бориме за храна. Нека дојдат сега политичарите, преставниците од власта, од Мининистерството за земјоделство и нека кажат како да преживееме со вакви цени“, коментираа земјоделците од Иловица и Штука кои овој период почнаа да го собираат родот од нивите.
Ова не е првпат да реагираат раноградинарите од овие населени места кои се препознатливи по производство на млад компир. Изминатите години знаеа да ги блокираат откупни пунктови во знак на незадоволство од цените а од вчера имаат договор да не земаат амбалажа за собирање и предавање на родот. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
