Државата да посвети поголемо внимание на лицата кои страдаат од мускулна дистрофија оти во моментов не добиваат никаква поддршка од институциите па родителите сами се изложуваат на трошоци за физикална терапија . Вака апелираа од од Асоцијацијата за мускулна дистрофија кои во Струмица организираа едукативна и практична работилница за нови методи на хидро терапија која според универзитетски професори од Израел ќе го намали прогресот на болеста.
,, Досега нашите деца не добиваат никаква помош од државата. Се се сведува на физикална терапија кои сами ја плаќаме и ги носиме по приватни физиотерапевти. Со оглед дека е ретко генетско заболување, бараме од надлежните институции да ни овозможат физикалните терапии да бидат во домашни услови како домашна посета, физиотерапевтите да доаѓаат дома но и да добиваме специјализирани ортопедски помагала,, рече Ване Патридов од Асоцијацијата за мускулна дистрофија
Во државата од ова ретко заболувања има околу 100 пациенти претежно деца. За оваа болест засега нема лек и единствено преку физикална терапија се намалува прогресот на мускулната дистрофија која ја има во повеќе форми
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
