Заради превенција, зголемено присуство и засилени контроли на учесниците во сообраќајот пред празниците !

458

СВР Струмица деновиве  го зголеми присуството на полициски службеници на сообраќајниците но и за контроли на клучни јавни места во Југоистокот за одржување на јавниот ред и мир и нормално одвивање на сообраќајот. Засилени контроли и присуство на полицајци ќе има и за празниците. Ова го најави началникот на СВР Струмица Кире Арапов апелирајки до сите учесници во сообраќајот да бидат трпеливи, внимателни и да ги почитуваат сообраќајните правила и прописи

„Како и претходните години, така и оваа, полициските службеници при редовно извршување на работните задачи плански ќе бидат поставени на места кадешто ќе има поголемо присуство на граѓани, најчесто во централните градски подрачја, пред угостителските објекти коишто организираат прослави и на места каде што има поголем број присутни од младата популација.Полициските службеници ќе ја зајакнат контролата на возачите, со акцент на контролата ќе стават на управување возило под дејство на алкохол и управување на возило со поголема брзина од дозволената, од причина што овие прекршоци во изминатиот период се главни причинители за случените сообраќајни незгоди“ кажа началникот на СВР Струмица, Кирил Арапов.

Тој побара  за време на празниците достоинствено однесување од сите граѓани. Оние што ќе ги напуштат домовите за празнување да ги заштитат домовите, да не се седнува зад волан под дејство на алкохол но и да се почитува јавниот ред и мир

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.