Центарот за истражување и анализи НОВУС од Струмица на 29 ти ноември организира Донаторски кружок на кој фирмите и граѓаните ќе можат да донираат средства за една од трите иницијативи предложени од граѓанските организации кои ќе го подобрат квалитетот на животот во заедницата.
Фирмите и граѓаните може да донираат за иницијативата на здружението ,,Мобилност“ од Струмица. Истата се однесува за поправка на комбето со кое се превезуваат лицата со телесен инвалидитет до лекар, образование или било каков општествен настан со што би се олеснило движењето на овие лица.
Втората иницијатива доаѓа од здружението ,,Говорот на срцето“ и истата ќе биде да се соберат средства за да се овозможат работилници и обуки за родители кои секојдневно се борат за своите деца со аутизам и по примерот на Коста и неговиот син Виктор да успеат да ги надминат бариерите.
На Донаторскиот кружок, правните и физички лица може да донираат и за проширување на кампингот на ВК „Актив“ од Струмица на планината Беласица со додавање нови мобилни бараки и повеќе простор за шатори. На тој начин ќе се овозможи подобри услови на лицата кои пешачат или со велосипед уживаат во убавините на Беласица.
На 29 ти ноември преставници на овие три здруженија ќе дадат објаснување за нивните иницијативи а преставниците на Донаторскиот кружок ќе изберат и одлучат за што ќе ги насочат своите средства и на транспарентен начин ќе добијат извештај како се потрошени.
Ако сакате како граѓанин или фирма да бидете дел од Донаторскиот кружок може да се пријавите ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
