Премиерот Зоран Заев придружуван од министерката за труд и социјална политика, Мила Царовска и директорот на Агенцијата за млади и спорт Дарко Каевски и градоначалникот на Струмица Коста Јаневски го одбележаа 6-ти април, денот кој Обединетите нации го прогласија за Меѓународен ден на спортот за развој и мир.
Одбележувањето се случи во градскиот парк каде беа присутни голем број млади и членови на спортски клубови. Тие го промовираа ракометот, одбојката, фудбалот и други интерактивни игри преку кои се гради пријателството, фер однесувањето и се учи универзалниот јазик на мирот и соработката.
,,Затоа, ги промовираме и поддржуваме политиките со кои ќе се зголеми бројот на граѓани, од сите возрасти, социјални групи и средини, кои секојдневно го применуваат спортот и спортско-рекреативните активности. Приоритет ставаме на создавањето квалитетен систем на спорт во училиштата,, кажа премиерот Заев кој продолжи
,,Нашата цел е да го зголемиме процентот на граѓани кои спортуваат од сегашните два процента од населението на 20 проценти, кои ќе бидат опфатени во спортот за сите“, рече премиерот Заев, додавајќи дека преку моделот на училиштен спорт, се планира зголемување на бројот на ученици кои спортуваат од сегашните 5.000 на 50.000 во основното и во средното образование,, рече премиерот Заев
Премиерот Заев истакна дека спортот е силна алатка и за јакнење на заедниците, го промовира „фер-плејот“ и еднаквоста и силно се бори против расизмот и омразата и ги повика младите, нивните родители и сите граѓани на нашата земја, да бидат активни учесници во спортот, да ги поттикнуваат децата да спортуваат, а со тоа да бидат и општествено одговорни, важни за креирањето на развојот и мирот.
За значењето, посветеноста на Владата на спортот и физичката активност и нивното влијание врз психофизичкиот развој, говореше и министерката Царовска.
,,Навистина е важно кога зборуваме за инклузивно општество да зборуваме дека таа инклузија на лицата со попреченост треба да се случи на сите нивоа од секојдневното живеење. Спортот е еден дел од нашето живеење, токму затоа овој ден е многу важно што го поздравуваме со директно вклучување во сите спортски екипи, кои што денеска се претставија тука, имаа во себе содржано и лица со попреченост“, истакна министерката Царовска.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
