Есенва реконструкција на обиколницата кај Богданци и проширување на патот до Гевгелија, најави директорот на Државни патишта Китанов

1742

Обиколницата кај Богданци ќе се реконструира а патот до Гевгелија ќе се проширува откако жителите од овој дел на државата собираа потписи и побараа од државата негова итна реконструкција. Овој патен правец заради неговата мала ширина и пропаднат и нерамнет асфалт преставуваше црна точка во сообраќајот. Надлежните од Државни патишта уверуваат дека уште есенва ќе започнат работите а најдоцна до март обиколницата и патот ќе бидат завршени

,, До крајот на септември се очекува да биде готова проектната документација за реконструкција на обиколницата кај Богданци но и документацијата за проширување на регионалниот пат од Богданци до Понов мост кај Гевгелија. Со оглед на времето очекувам ова есен да отпочна изведбените работи на обиколницата и патот до Понов мост кој ќе треба да  биде широк 6 местри а најдоцна до март идната година да биде готов,, изјави Зоран Китанов директор на државни патишта

Станува збор за делница од околу 7,8 километри. 3,3 километри е обиколницата на Богданци и околу 4,5 километри од Богданци до Понов мост кај Богородица- Гевгелија. Вредноста на обиколницата чини 5,9 милиони денари а на патот кон Гевгелија 17,7 милиони денари . Средствата ќе бидат обезбедени од ЈП Државни патишта

,,Патот од Фурка преку Богданци до Гевгелија беше во доста лоша состојба. Инаку ова е важна делница која спојува три гранични премини. Со самата рехабилитација на патот и реконструкција на обиколницата и на делницата до Гевгелија обезбедуваме слободен проток на стоки и услуги, безбедност на патниците и подобри економски резултати,, кажа градоначалникот на Богданци Блаже Шапов

Директорот на Државни патишта Зоран Китанов и министерот за транспорт и врски Горан Сугаревски заедно со градоначалниците на Богданци и Гевгелија Блажо Шапов и Сашо Поцков денеска беа на увид на рехбилитацијата на патот од Богданци до Фурка во должина од 10,6 километри за што се обезбедни 1,3 милиони денари

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.