Едно лице е повредено во сообраќајна незгода што доцна попладнево, се случи на излезот од Струмица кон Дабиле. Во сообраќајката учествувале патничко моторно возило и моторцикл. Од засега непознати причини дошло до судар меѓу двата учесника во сообраќајот при што моторџијата се здобил со повреди. На местото на настанот веднаш пристигнала полицијата, а било повикано и возило на ТППЕ Струмица за да ги отстрани остатоците од коловозот.
За време на полицискиот увид и интервенција на пожарникарите се закочил сообраќајот, па на делницата се создала колона од возила. Како што тврдат очевидци, нервозни возачи на две возила со странски регистарски ознаки, ја заобиколиле колоната за да ја поминат. Но откако полицијата ги сопрела, возачите и дел од сопатниците од двете возила вербално ги нападнале полицајците од увидната екипа
Инцидентот го потврдија од струмичката полиција, но за настанот повеќе информации најавија за утре.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
