Со новата платформа „Твоја држава, твоја шанса“ обединувањето околу Фронтот за вистина и правда и усвојувањето на новата програмска рамка, СДСМ отвори нова етапа на политичко дејствување, велат од партијата кои во соопштение до медиумите објавија дека назначиле нови претседатели на општински организации меѓу кои и во Струмица
Претседателот на СДСМ, д-р Венко Филипче, донел одлука за именување нови претседатели на општинските организации во Шуто Оризари, Струмица и Пробиштип.
„За претседател на општинската организација во Струмица е назначен д-р Лазо Манев, специјалист по радиологија, докажан во својата работа и современите дијагностички пристапи за рана детекција на различни заболувања, но и во своите менаџерски способности“, соопштија од партијата.
Станува збор за дел од процесот на кадровско освежување и организациско јакнење на партијата, за уште посилна и поефикасна работа на терен, поблиска комуникација со граѓаните и членовите, велат од партијата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
