До крајот на јули треба да биде готова првата фаза од новиот ученички дом кој ќе никне во дворот на СОУ Димитар Влахов. Станува збор за дом кој ќе обезбеди сместување на 98 ученици кои се надвор од градот а посетуваат настава во струмичките средни училишта. Планирани се околу 30 тина простории каде ќе се сметаат ученици, воспитувачи, технички и административен оддел. На катовите од објектот се планирани и читални.
Првата фаза која чини 344 илјади евра а ја изведува градежната фирма Џови Компани од Мокрино која го доби тендерот лани во јануари во конкуренција на девет фирми понудувајки најниска цена.
,,Заради непредвидени работи, појава на подземна инсталација и подземни води, работите почнаа подоцна и денеска се поставуваат темелите. Очекуваме оваа фаза од изградбата да заврши до крајот на јули годинава и потоа ќе одиме со распишување на јавна набавка за втората фаза. Првата фаза чини 25 милиони денари, а за реализација на целиот проект ќе бидат потребни 100 милиони денари, средства кои се обезбедени од Општината рече Костадинов во изјавата пред медиумите.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
