До јануари патот Стојаково – Селемли треба да биде готов а за 2 месеци во Селемли асфалт на пет улици, Богданци ги склучи договорите за изведба

330

Општина Богданци во наредниот период ќе инвестира околу половина милион евра за подобрување на патната инфраструктура  од Стојаково до Селемли и во населеното место Селемли. Со обезбедените средства од Агенцијата за финансиска подршка во земјоделството и руралниот развој и од својот Буџет, општината склучи договор со струмички Жикол за реконструкција на локалниот пат од Стојаково до Селемли но и за реконструкција односно асфалтирање на пет улици во населеното место Селемли.

Патот Стојаково – Селемли во должина од 3,8 километри треба да се заврши до крајот на годинава.  Според склучениот договор со Жикол кој достави најниска цена за изведба на распишаниот тендер, освен реконструкцијата се планира и атмосферска канализација на делница од 100 метри со 4 ревизиони шахти. Целиот зафат чини околу 21 милион и 200 илјади денари  или околу 344 илјади евра

Паралелно струмички Жикол го доби и тендерот за реконструкција на пет улици во населеното место Селемли кое конечно ќе добие асфалтирани улици. Станува збор за главната улица во должина од околу 475 метри но и други 4 улици со помала должина. Како што објавија од општина Богданци станува збор за улиците  Маршал Тито, ЈНА, Илинденска, Солунска и Гоце Делчев со вкупна должина од 992 метри

Асфалтирањето на петте улици во Селемли ќе чини околу 12 милиони денари или околу 195 илјади евра. Парите за овие инвестициони зафати во патната инфраструктура Општина Богданци ги обезбеди претежно од Агенцијата за финансиска подршка во земјоделството и руралниот развој но и до сопствениот Буџет

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.