Во понеделник ќе се знае дали за струмичкиот Центар за култура Антон Панов ќе има нов конкурс за избор на директор или ќе остане избраниот кој според министерството за култура ги исполнува правно формалните услови од конкурсот. До 8 февруари ќе се бара решение. Ваков договор паднал на средбата на струмичките актери со министерката за култура Ирена Стефоска на која им предочија дека со културните институции треба да раководат културни работници. Министерката им се заблагодари за гласноста за овој проблем оти тоа укажува дека треба нов Закон за култура
,,Си дадовме време да го најдеме најдоброто решение во интерес на драмскиот ансамбл и Центарот за култура „Антон Панов“ во Струмица. Им благодарам што со нивната гласност ми помагаат и мене и на сите културни работници во земјата, новиот Закон за култура кој е во процедура што побрзо да биде донесен, бидејќи во тој закон меѓу новитетите е и еден од условите за станување на раководител на институција, а тоа се високите стручни квалификации во областа,, рече министерката за култура Ирена Стефоска
Актерите од струмичкиот театар завчера покранаа и иницијатива ,,Фискултура или култура’’ за поништување на изборот за директор во НУЦК Антон Панов. На истата се потипишале над 260 културни уметници со која побараа да се престане со именување на партиски кадри за раководители во културни институции.
,, Нашата позиција како иницијативен одбор е дека не отстапуваме од барањето да се поништи изборот односно да се отповика поставениот директор . Ако до понеделник работите не одат во насока на нашата ултимативна цел да биде сменет поставениот директор ќе пристапиме кон порадикални мерки како непослушност и протести“, истакна актерот Стојан Велков
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
