Комуналните инспектори и инспекторот за улици и патишта при Општина Струмица, при вршење на надзор на ул.„Кољо Орцев“ затекнале голема количина на отпад од градежни материјали, произлезен од реконструкција и преуредување на станбена единица, во колективен објект за домување. Како што објави Општина Струмица отпадот бил оставен на тротоарот на ул.„Кољо Орцев“ во Струмица при што го загрозил движењето на пешаците по тротоарот но и везбведно движење на возилата
По утврдување на идентитетот на лицето од чија страна е оставен отпадот од градежни материјали на јавната површина, од страна на општинските инспектори било побарано соодветно отстранување на отпадот од јавната површина од ЈПКД „Комуналец“ Струмица на сметка на сторителот. Градежниот шут е натоварен и одложен на локација предвидена за таа намена.
„Согласно утврдената фактичка состојба, од страна на општинските комунални инспектори е констатирано прекршување на одредбите од член 61 алинеа 14 од Одлуката за комунален ред и мерки за нејзино спроведување на подрачјето на општина Струмица а од страна на општинскиот инспектор за улици и патишта е констатирано прекршување на одредбите од член 50-а алинеа 9 од Законот за јавни патишта, врз основа на што, против сторителот се поведени прекршочни постапки со издавање на прекршочни платни налози за наплата на глоби“, стои во соопштението на Општина Струмица
Од таму наведуваат дека за Градоначалникот и општинските инспекциски служби и понатаму останува врвен приоритет заштитата и унапредувањето на животната средина заради што упатуваат апел до сите граѓани и правни субјекти кои создаваат, поседуваат и постапуваат со овој вид на отпад, за соодветно постапување со истиот да ги користат услугите на давателот на комунални услуги ЈПКД „Комуналец“ Струмица. Конкретно при планирањето на градежните активности од кои ќе произлезе отпад од градежни материјали, да биде планирано и понатамошното постапување со отпадот, односно истиот навремено да биде пријавен кај даваталот на комунални услуги, со цел негово соодветно отстранување и депонирање
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
