Членовите на Ротари клуб Струмица донираа два ЕКГ апарати за потребите на Општата болница Струмица. Со оваа донација ќе се овозможи подобрување на условите за дијагностика и поквалитетна здравствена услуга за пациентите.
„Донацијата е реализирана во соработка со раководството на болницата, а особено ја истакнуваме заложбата на директорот Гоце Христов, кој континуирано работи на унапредување на условите во Општата болница Струмица и обезбедување современа медицинска опрема во интерес на пациентите и здравствените работници“, стои во информацијата од Ротари клуб Струмица
Ротари клуб Струмица останува посветен на својата мисија – „Служење над себеси“, преку реализација на хуманитарни и општествено одговорни проекти кои придонесуваат за подобра и поквалитетна здравствена грижа за сите граѓани.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
