Долорес Лео Поповиќ од независната продукција ,,Златен Елец“ од Скопје ја доби наградата за најдобро актерско остварување на 32 издание на Фестивалот на камерен театар „Ристо Шишков“, кој синоќа заврши во Струмица. Наградата ја доби за улогата на Ања во претставата „Кенди“, според романот на Лук Дејвис, во режија на Тамара Стојаноска. Според претседателот на жирито Јордан Симонов, Поповиќ успеал на сцената преку суптилен актерски јазик естетски да го обликува и презентира проблемот преку улогата на Ања
,,Бавејќи се со неопходноста на преиспитување и толкување на современоста, преку еден ненападен, суптилен актерски јазик Долорес Лео Поповиќ естетски го обликува проблемот и општественото-политичките односи во кои живееме, создавајќи автентичен моќен лик што покрај актерска естетика и слобода во уметничкото креирање постанува клучно средство за постигнување и негување како на општествената така и на индивидуалната способност за емпатија, но и за постигнување на општествена акција, зашто уметноста – теaтарот е оној којшто инспирира во изградбата на подобар и поправеден свет,, истакна Симонов.
Преставата ,,Кенди“ на независната продукција ,,Златен Елец“ како проект е правена во соработка со ХОПС – Опции за здрав живот. Освен Долорес Лео Поповиќ во преставата игра и Бобан Алексовски.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
