Доктор специјалист од Кавадарци, за Денот на независноста утре ќе ја преплива брана Турија кај Струмичко

897

Специјалистот по спортска медицина од Кавадарци Бошко Илиев утре за Денот на независноста на Македонија планира да ја преплива брана Турија, односно да исплива 6 километри од едниот до другиот брег на браната. Како што не информираше ќе плива сам како дел од неговите полумаратони за промоција на езерата и природните убавини во земјава. Илиев има 55 години и ова ќе биде негово 91 пливање на долги релации.

,, Eзеро Турија – едно од плеадата наши прекрасни езера погодни за туризам,спорт и рекреација, во близина на Струмица. Задоволство ми е да известам дека ја продолжувам овогодишната пливачка агенда и замислата пливачки да ги промовирам и афирмирам сите наши природни и вештачки езера. Моетo пливање ќе го започнам околу 11 часот и се надевам дека успешно ќе го финиширам мојот соло маратон во должина од 6 км на ова езеро. Настанот има ревијално-спортски карактер и е логистички подржан од локалната самоуправа на град Струмица,, објави Илиев кој ни кажа дека ќе плива околу 2 часа по водите на Турија.

Тој минатата година за празникот Богородица ја преплива браната Водоча исто така од 6 километри. Ова година заради пандемијата и неговите работни обврски тој ги редуцираше своите маратонски пливања за ветерани. Пливал во Кавадарци, на Крушевското езеро и кај Св Наум на Охридското езеро. После Турија негова следна дестинација ќе му биде Дебарското езеро.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.