Од прогласувањето на вонредната состојба во земјава заради епидемијата со коронавирусот кога од страна на Владата беа издадени и соодветни мерки за спречување и ширење на виурсот Ковид 19, Основните јавни обвинителства во Струмица, Гевгелија и Радовиш имаат покренато обвинителни акти против вкупно 35 граѓани со место на живеење од повеќе општини од Југоистокот. Обвинителствата имаат донесено одлука за издавање на казнени налози во зависност од тежината на кривичните дела што го направиле, да бидат казнети од 500 до 2000 евра парична казна
Според збирната информација што е објавена, граѓаните не ги почитувале мерките за изолација или самоизолација или пак ја прекршиле забраната за движење во определен временски рок, што е казниво по член 205 или 206 од Кривичниот законик, како и за непочитување на мерки за спречување или сузбивање на опасна заразна болест – коронавирус COVID 19. Најмногу обвиненија има покренато Основното јавно обвинителство од Радовиш и тоа против 22 лица. Основното јавно обвинителство од Гевгелија заклучно со 2 април имат покренато 11 обвиненија а струмичкото јавно обвинителство две
Деталниот преглед или збирна информација за предмети во основните јавни обвинителства по член 205 или 206 од Кривичниот законик, како и по пријави за непочитување на мерки за спречување или сузбивање на опасна заразна болест – коронавирус COVID 19, можете да го видите ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
